Парис 2024 зуны олимпын эрэгтэй марафон гүйлтийн төрөл эхэллээ. 42 орны 81 тамирчин бүртгүүлсэн тэмцээнд Монголын шигшээ багийн тамирчин, зургаа дахь олимпдоо оролцож буй 42 настай Бат-Очирын Сэр-Од оролцож байна.

42 км зайг туулах гүйгчид Улаанбаатарын цагаар 14:00 цагт гараанаас гарав.

Дэлхийн чансааны 301-т Б.Сэр-Од нь 2013 оны Азийн аваргад 2:17:56 амжилтаар түрүүлж байв.

Түүний олимпын амжилт:

• Афин 2004. 75-р байр. 2:33:24
• Бээжин 2008. 52-р байр. 2:24:19
• Лондон 2012. 51-р байр. 2:20:10
• Рио 2016. 91-р байр. 2:24:26
• Токио 2020. Дуусгаж чадаагүй

Б.Сэр-Од эхний 5 км зайг 15:41 хугацаанд туулснаар 9-р байрт бичигдэж байна.

Б.Сэр-Од 10 км замыг 32:40 хугацаанд туулсан амжилтаар 80-р байрт бичигдэж байна. Тэрээр тэргүүлэгчээс 1:41 хугацаагаар хоцорч явна.

Б.Сэр-Од 15 км замыг 51:44 хугацаанд туулсан амжилтаар 80-р байрт бичигдэж байна. Тэрээр тэргүүлэгчээс 6:06 хугацаагаар хоцорч явна.

АНУ-ын Виржин арлуудын тамирчин Эдуардо Тэрранс Гарсиа 81-р байраар уралдаанаа дуусгалгүй тэмцээнээ өндөрлүүллээ.

Б.Сэр-Од 25 км замыг 1:33:27 хугацаанд туулсан амжилтаар 77-р байрт бичигдэж байна. Тэрээр тэргүүлэгчээс 17:19 хугацаагаар хоцорч явна.

Уганда, Турк, Перу улсын тамирчид замынхаа талаас тэмцээнээ дуусгалаа.

Этиопын тамирчин Тамират Тола эрэгтэй марафоны төрөлд түрүүлж Бельгийн Абшир Абди, Бенсон Кипруто нар удааллаа.

Зургаан олимпын наадамд дараалан оролцсон 42 настай Б.Сэр-Од 2:42:33 хугацаагаар 71-р байр эзэллээ. Тэрээр тэргүүлэгчээс +36:07 хугацаагаар хоцров.

Хамгийн олон олимпод дараалан оролцсон марафон гүйгч нь Анголын Жоаү Н'Тиамба байсан. Түүний 1988-2008 оны зургаан олимп дараалан оролцсон амжилттай Б.Сэр-Од ийнхүү зэрэгцэж байгаа юм.

Өнгөрсөн Токиогийн олимпын аварга Кенийн Элиуд Кипчогэ тэргүүтэй 10 тамирчин замаа дуусгалгүй тэмцээнээ өндөрлүүллээ.