Гишүүний бүрэн эрх нь Төрийн сүлдэнд тангараг өргөснөөр эхэлж, Улсын Их Хурлын дараагийн сонгуулиар шинэ сонгогдсон гишүүд тангараг өргөснөөр дуусгавар болдог. Энэ хугацаа тун ойртжээ. Гишүүний бүрэн эрхийн хугацаа 4 жил байдаг. 2020 оны сонгуулиар иргэдийн саналыг авч, итгэлийг хүлээж УИХ-ын гишүүн болсон эрхмүүдийн бүрэн эрхийн хугацаа дуусахад богино хугацаа үлдээд байна.

УИХ-ын гишүүнээр сонгогдсон хүн тойргийнхоо иргэдтэй уулзаж, тэдний саналыг сонсож, УИХ-д дуу хоолой нь болдог. УИХ-ын гишүүн хууль санаачлах эрхтэй. Мөн хууль батлахад оролцож, сонгогчдынхоо өмнөөс саналаа өгөх үүрэгтэй.

Ирэх жил УИХ-ын ээлжит сонгуультай. GoGo.mn сайт сонгогчдыг төлөөлөн УИХ-ын гишүүдээс “Та юу хийв” гэдэг нэг асуултыг асууж, нэг минутад хариулт авах видео буланг эхлүүлж байна. Эхний дугаарт УИХ-ын гишүүн С.Ганбаатар оролцлоо.

УИХ-ын гишүүн С.Ганбаатар 2020 оны УИХ-ын сонгуульд “Та бидний эвсэл” намаас 20-р тойрог буюу Орхон аймагт нэр дэвшсэн. Тэрбээр 17 мянган хүний санал авч УИХ-ын гишүүнээр сонгогдсон. Ийнхүү тэрбээр өөрт нь итгэл хүлээлгэж санал өгсөн 17 мянган хүнийг төлөөлөх “ард түмний элч” болж, төрд суусан. Тэр өнгөрсөн хугацаанд юу хийж, хэрхэн ажилласан бол? Хариултыг видеоноос үзнэ үү.