Дуучин Отгоо шинэхэн гаргасан "Chill Out" цомгоо танилцуулах тоглолтоо хийх гэж байна.

"Chill Out" тоглолт аравдугаар сарын 10, 11-нд буюу энэ баасан, бямба гаригуудад 19 цагт "Strings" клубт болох бөгөөд UFO хамтлаг, A Sound болон Жонон хамтлагийн хөгжимчидтэй хамт амьд хөгжмийг мэдрүүлэх аж.

Тэрээр тоглолтын үеэр шинэ цомогтоо багтсан дуунуудаасаа гадна хуучны хит бүтээлүүдээсээ сонордуулах юм. Альтернатив Отгоо хэмээх тодотголоор олноо дасал болсон түүнээс чил-аут урсгалаар дуулах болсон шалтгааныг сонирхоход “Нийгэм, их хотод маань стресс, бухимдал их болжээ. Үүнийг эсэргүүцэж буйн нэг хэлбэр юм” гэсэн нь аливаа зүйлд шинэчлэлт, өөрчлөлт хийх хэрэгтэйг сануулахыг хүссэн биз ээ. Тоглолтонд ирсэн хүн бүрт "Chill Out" цомгийг бэлэглэх гэнэ.

"Chill Out" тоглолтын билетийг Hi-Fi Records мөн "Strings" клубт худалдаалж байгаа аж. 

Сонирхуулахад, дуучин Отгоо "Chill Out" цомогтоо багтсан "Ганцхан нар", "Lounge" дуунуудаа дүрсжүүлээд байгаа юм.