Нийслэлийн хамгийн их хүн амтай дүргүүд бол Сонгинохайрхан, Баянзүрх дүүргүүд.

Нийслэлийн хоёр захад оршдог эдгээр дүүрэгт орон нутгаас шилжин ирсэн иргэд төвхнөх болсноор хүн ам олноор төвлөрч, төрийн үйлчилгээний хүртээмж алдагдсан гэж нийслэлийн удирдлагууд үзэж байна.

2017 оны эцээр Сонгинохайрхан дүүргийн хүн ам 322 мянга, Баянзүрх дүүргийнх 336 мянга байжээ. Зөвхөн нэг дүүргийн хүн ам 5 аймгийн хүнийг нийлүүлсэнтэй дүйж байгаа аж. Иймд дээрх хоёр дүүргийг задлан, нийт 4 дүүрэг болгон, засаг захиргааны нэгжид өөрчлөлт хийх талаар судалж байна.

Ингэснээр иргэдэд үзүүлэх төрийн үйлчилгээ ойртох давуу талтай юм байна.