Автомашин гэдгийг “жаахан болхидуу тайлбарлах юм бол дөрвөн дугуйтай, дотор нь хүн сууж явдаг, ихэнх эд анги нь төмрөөр хийгдсэн, хамар дотроо мотортой, тэр нь түлшээр ажилладаг, өөрөө явагч техникийн хэрэгслийг хэлнэ” гээд аваад хаячихаж бараг л болно доо. Гэвч энэхүү товч бөгөөд тодорхой, жаахан бүдүүлэгдүү гэмээр, хэрвээ үйлдвэрлэгчид үзэх юм бол уур нь хүрээд, урж хаяхаар тодорхойлолт нь  алдарт Бугаттид аргагүй л жулдана гэдэгтэй  санал нэгдэхгүй автомашин сонирхогч нэгээхэн ч үгүй биз ээ.

Тийм ээ, энэ удаа бид утаатай, униартай, уран сайхан барилга байгууламжтай, навсгар байшин, сэгсгэр гудамж, халтиргаа, гулгаатай замтай улсынхаа нийслэл Улаанбаатар хотын хаа нэгтэй төмөр хүлгийнхээ алтан жолоог мушгиж яваа эрхэм жолооч, эсвэл дулаан, тохитой сайхан өргөө гэртээ тухлан суух сонсогч, ажил, амьдралыг хослуулж, амжилт бүтээлийн оргил рүү тэмүүлж яваа азтай Монгол хүмүүн танд дэлхийн авто ертөнцийн дээрхийн гэгээнтэн Бугатти-н тухай өгүүлэн учирлах гэж байгаа юм. Танилц энэ бол газраар нисдэг ган шувуу Bugatti...