13 дахь удаагийн оны шилдэг уран бүтээл, уран бүтээлч шалгаруулах "Мөнгөн мод 2021" ёслолын арга хэмжээ эхэллээ.

Өнөө орой дараах 24 төрөлд шилдгүүдийг шалгаруулах юм.

"Фантастик" продакшны жүжигчин Б.Барслхагва "Мөнгөн мод" наадмын Шилдэг жүжигчин боллоо. Тэрээр "Буруу өрөг" кинонд бүтээсэн дүрээрээ шагнал хүртсэн юм.

Жүжигчин Б.Барслхагвын шагналын дараах сэтгэгдлийг дараах видеоноос хүлээн авна уу.

Улсын Филароманий дуучин Н.Наранбаатар "Мөнгөн мод" наадмын Шилдэг дуучин боллоо.

"Шилдэг бүжигчин"-ээр Үндэсний урлагийн их театрын бүжигчин Б.Эрдэнэбаяр тодорлоо.

Тайз дэлгэцийн бүтээлийн "Шилдэг зохиолч"-оор СУИС-ийн тэргүүлэх профессор С.Дулам тодорлоо.

"Шилдэг судлаач"-аар СУИС-Эрдэм шинжилгээ, инноваци эрхэлсэн дэд захирал багш, доктор Ж.Эрхэмтөгс шалгарлаа.

Тайз дэлгэцийн "Шилдэг продюсер"-оор Гэртүүн анимейшн студийн Гүйцэтгэх захирал Ц.Бат-Оргил шалгарлаа.

"Шилдэг удирдаач"-аар Үндэсний урлагийн их театрын уран сайхны удирдагч, ерөнхий удирдаач Н.Буянбаатар шалгарлаа.

Тайз дэлгэцийн "Шилдэг зураач"-аар "Гэм зэм" жүжиг, "Хотулун гүнж" киноны ерөнхий зураач Л.Батбилэг шалгарлаа.

"Шилдэг хөгжмийн зохиолч"-оор Анна Каренина сонгодог жүжгийн хөгжмийн зохиолч, МУ-ын Филармонийн хөгжмийн зохиолч Ш.Өлзийбаяр шалгарлаа.

Тайз дэлгэцийн "Шилдэг хөгжимчин"-өөр Улаанбаатар театрын гоцлол хөгжимчин Б.Мягмарцэрэн шалгарлаа.

"Шилдэг бүжиг дэглээч"-ээр "Босоо цагаан гурвалжин" бүжгэн жүжгийн дэглээч МУУГЗ Д.Баярбаатар шалгарлаа.

"Шилдэг найруулагч"-аар "Фауст", "Гэм зэм" жүжгийн ерөнхий найруулагч М.Батболд шалгарлаа.