Ким Кардашиан алдарт Диана гүнжийн алмаазан чулуутай загалмайн зүүлтийг дуудлага худалдаагаар 197,453 доллараар худалдан авлаа.

Sotheby's-ээс жил бүр зарладаг "Royal & Noble" дуудлага худалдаагаар Диана гүнжийн зүүдэг байсан алмаазан шигтгээтэй чулуун загалмайн зүүлтийг 42 настай Ким Кардашиан худалдан авчээ.

Реалити телевизийн од хосгүй зүүлттэй болсон нь нэр төрийн хэрэг гэж эх сурвалж PEOPLE-д хэлжээ. Ким Кардашиан үнэт эдлэлийн цуглуулгаа нэмэхээр энэхүү худалдан авалтыг хийсэн гэв.

5.25 каратын жинтэй, очир алмаазаар чимэглэсэн загалмайн хэлбэртэй үнэт эдлэлийг Кардашиан дуудлага худалдаа дуусахаас сүүлийн таван минутын дотор 197,453 доллараар үнэлж, өөрийн болгожээ. Sotheby's-ийн мэдээллээр энэ нь "Дуудлага худалдааны өмнөх мөнгө дүнг хоёр дахин нэмэгдүүлсэн" гэв.

Талийгаач гүнжийн нэгэн цагт хэрэглэж байсан үнэт эдлэлийг Ким авсан нь нэр төрийн хэрэг гэдгээ хэлжээ. Ким урам зориг өгсөн хүчирхэг, алдартай бөгөөд түүхэн эмэгтэйчүүдийн хувцас, эдлэлийг хэрэглэхийг хүсдэг нэгэн.

Кардашиан өмнө нь алдарт жүжигчин бүсгүйн хувцсыг өмсөж бусдын анхаарлыг багагүй татаж байв.  Тодруулбал, 1962 онд тухайн үеийн ерөнхийлөгч Жон Кеннедигийн төрсөн өдрөөр жүжигчин Мэрилин Монрогийн өмсөж байсан болор шигтгээтэй Жан Луигийн даашинзтай Ким 2022 оны Met Gala наадамд хүрэлцэн ирж олныг алмайруулж байсан билээ.

Эх сурвалж: People