Айл гэрийн ноён нуруу болсон эр хүн Та ханьдаа зориулан хайрын захиа бичиж байсан уу?

Эмэгтэйчүүд цэцэгнээс илүү хайрын үгстэй захидал авахыг хүсдэг ч эрчүүдийн 73 хувь нь цэцгийг илүүд үзэж, бэлэглэдэг гэсэн судалгаа байдаг аж. 

Тэгвэл яагаад ч өөрөө хэлж, илэрхийлж чадамгүй хайрын үгсээ хэлхэж, дотроо бодож явдаг энхрийллээ ил гаргах боломжийг Үндэсний портал GoGo.mn Танд олгоё.

Удахгүй болох Мартын 8-ны баяраар хайртай ханьдаа сэтгэлээ илэрхийлсэн захидал илгээвэл гэргий тань баярлах нь гарцаагүй. Бүсгүйчүүд өндөр үнэтэй бэлгэнд сэтгэл хөдлөхөөсөө илүүтэй эр нөхрийнхөө сэтгэлийн бэлгэнд догдлон баярладгийг Та мэдэх үү?

Хайртай ханьдаа сэтгэлийн үгээ хамгийн сайхнаар илэрхийлсэн нэг хүнийг бид шалгаруулж гоёл чимэглэлийн "Сваровски" брэндийн бүтээгдэхүүнээс сонголт хийх 300 мянган төгрөгийн эрхийн бичгээр шагнах болно.

Гэргийдээ барих гарын бэлгээ, сэтгэлийн үгтэйгээ дайхыг хүсвэл “Ханьдаа бичих хайрын захиа” уралдаанд оролцоорой.

Уралдаанд оролцохын тулд та өөрийн бичсэн захидлаа news@mongolcontent.mn цахим шуудангаар “Ханьдаа бичих хайрын захиа” хэмээн хаяглаж илгээгээрэй.

Захидлын уралдаан гуравдугаар сарын 6-ныг хүртэл үргэлжилж, гуравдугаар сарын 8-ны өдрөөс Үндэсний портал GoGo.mn сайтын мэдээний буланд уралдаанд ирсэн бүтээлүүдийг нийтлэх болно.