Үндэсний их баяр наадмын хурдан морьдын уралдаан хязаалан насны морьдын уралдаан эхэлж Дундговь аймгийн Эрдэнэдалай сумын уяач Батсуурийн Чинзоригийн хурдан хээр үрээг 9 настай С.Жансэрэг хүү унан түрүү магнайд хурдалж орж ирлээ.

Аман хүзүүнд Булган аймгийн Гурванбулаг сумын уяач Хишигжаргалын Энхжингийн хээр үрээг 8 настай унаач хүү Б.Галбаяр унан орж ирлээ.

• Айргийн гуравт Сүхбаатар аймгийн Баяндэлгэр сумын уяач Бямбажавын Баярмагнайн бор үрээг 11 настай О.Цэнгүүн унаач
• Дөрөвт Говь-Алтай аймгийн Эрдэнэ сумын уяач Бэгзсүрэнгийн Гантулгын хээр үрээг 12 настай Б.Батхүү унаач
• Тавд Хэнтий аймгийн Норивлон сумын Нямновын Мөнхийн бор халзан үрээг 10 настай унаач Т.Баяртүвшин унан тус тус орж ирлээ.

Нийт 263 хязаалан бүртгүүлснээс 156 морьд зурхайнаас гарчээ. Тодруулбал, шүдээр хасагдсан 11, сэрвээний хэмжилт дүйцээгүй 73, бүртгүүлээд ирээгүй 23 морьдыг хассан байна.