Хүний оролцоотой уур амьсгалын өөрчлөлт мөн Эль Нино үзэгдлээс болж 2023 он дэлхийн түүхэнд хамгийн халуун жил болж байв. Харин энэхүү рекордыг эвдэж 2024 он дэлхийн түүхэн дэх хамгийн халуун жил болсныг Европын уур амьсгалын хяналтын агентлаг мэдээлэв.

Өнгөрсөн оны долоодугаар сард түүхэн халуун өдрүүд тохиож, ихэнх орны өвлийн сар болох 1-6 саруудад дулаахан байв. Судалгаагаар  сүүлийн 10 жил дэлхийн хамгийн халуун үе тохиож буй бөгөөд жил бүр дэлхийн дундаж температур нэмэгдсээр байгаа аж.

Далайн хэт халуун температураас үүдэн АНУ-д ар араасаа үүссэн хар салхи олон зуун хүний аминд хүрсэн. Испанид 200 гаруй хүн гамшигт үерийн улмаас амиа алджээ. Бүс нутгийн түүхэн дэх хамгийн их ган гачгийн үеэр Амазон голууд урьд өмнө байгаагүй доод хэмжээндээ хүрч, Филиппинд 30-хан хоногийн дотор зургаан удаа хар салхи үүсэж, их хэмжээний хохирол дагуулжээ.  

Эрдэмтэд сүүлийн хоёр жилийн хугацаанд дэлхийн дулаарал яагаад ийм эрс тэс болж буйг судалсаар байна хэмээн BBC агентлаг мэдээлээд байна. 

Дулаарлын үр дүнд мөнх цэвдэг хайлж, далайн усны хэмжээ нэмэгдэн, хур тунадсанд өөрчлөлт орж, хэт халуун болж, цөлжилт тэлж байна. Энэ зууны эцэс гэхэд далайн усны түвшин 70 см-аар нэмэгдэнэ гэсэн тооцоолол ч гарчээ. Дулаарлын нөлөө газар нутаг бүрд харилцан адилгүй ба Монгол орон хуурайшиж байгаа хэсэгт ордог байна.

Дэлхийн дулаарлын эсрэг та юу хийж болох талаарх мэдээлэлтэй ЭНД дарж танилцана уу.

Эх сурвалж: BBC