Парис 2024 зуны олимпын чөлөөт бөхийн эрэгтэй -65 кг жинд 2021 оны дэлхийн аваргын хүрэл медальт, 2022 оны Азийн наадмын аварга, 2023, 2024 оны Азийн аваргын мөнгөн медальт Монголын шигшээ багийн тамирчин 26 настай Төмөр-Очирын Тулга зодоглов.

Тэрээр эхний шатанд 2017, 2018 оны дэлхийн аваргын хошой хүрэл медальт, 2019, 2023 оны Пан-Америкийн наадмын аварга Кубын 35 настай Алехандро Энрике Валдес Тобиертэй барилдаж 5-0 харьцаагаар яллаа.

Барилдааны явц:

• Тулга +1. 1-0
• Тулга +2. 3-0
• Тулга +1. 4-0
• Тулга +1. 5-0

Ийнхүү Т.Тулга шөвгийн наймд шалгарсан бөгөөд шөвгийн наймд 2023 оны дэлхийн аваргын хүрэл медальт, мөн оны Европын аварга Арменийн 24 настай Язген Теваняантай барилдана.

Т.Тулга шөвгийн наймд 2023 оны дэлхийн аваргын хүрэл медальт, мөн оны Европын аварга Арменийн 24 настай Язген Теваняантай барилдаж 7-5 харьцаагаар яллаа.

Барилдааны явц:

• Тулга +1. 1-0
• Язген +4. 1-4
• Язген +1. 1-5
• Тулга +2. 3-5
• Тулга +1. 4-5
• Тулга +2. 6-5
• Тулга +1. 7-5

Ийнхүү Т.Тулга хагас шигшээд шалгарлаа. Тэрээр өнөө шөнө 00:15 цагаас барилдана.

Т.Тулга хагас шигшээд Японы 23 настай Котаро Киоокатай барилдахаар боллоо.

Т.Тулга хагас шигшээд Японы 23 настай Котаро Киоокатай барилдаж 5-1 харьцаагаар ялагдлаа.

Барилдааны явц:

• Тулга +1. 1-0
• Котаро +2. 1-2
• Котаро +2. 1-4
• Котаро +1. 1-5

Ийнхүү Т.Тулга хүрэл медалийн төлөө маргааш 17:00 цагаас барилдахаар боллоо. Түүний өрсөлдөгч нь Залуучуудын ДАШТ-ий хошой хүрэл медальт Молдавын 27 настай Максим Сакултан болон 2023 оны дэлхийн аваргын мөнгөн медальт Кубын 25 настай Себастиан Ривера нарын ялсан нь байх болно.

 Т.Тулга хүрэл медалийн төлөө өнөөдөр 17:00 цагаас барилдана