Коронавируст халдвараас урьдчилан сэргийлэх зорилгоор нийслэл хотод олон ажил өрнөж байна. Үүний нэг нь гудамж талбай, автобусны буудал, нийтийн тээврийг ариутган цэвэрлэх юм.

Автобусны буудлын сандал, хогийн сав, ТҮЦ-үүдийн өнцөг булан нэг бүрийг халдваргүйтгэлийн бодис, угаалгын хөөсөөр угааж цэвэрлэж буй талаар Нийслэлийн Засаг даргын тамгын газраас мэдээлж байна.

Өнөөдрийн байдлаар:

• Чингисийн өргөн чөлөө,
• Энхтайваны өргөн чөлөө,
• Бага тойруу,
• Их сургуулийн гудамжинд байрлах 26 автобусны буудал, иргэд амралт чөлөөт цагаа өнгөрүүлдэг 3 талбайг тус тус угааж, цэвэрлэжээ.

Эх сурвалж: НЗДТГ