Токио-Улаанбаатар чиглэлийн тусгай үүргийн нислэгээр 263 иргэн эх орондоо ирлээ. Тус нислэг 19:00 цагт "Чингис хаан" олон улсын нисэх буудалд газардлаа.

Нийт 263 иргэн эх орондоо ирснээс:

• бага насны хүүхэдтэй гэр бүл 94,
• жирэмсэн болон асран хамгаалагчтай 23,
• өндөр настан болон асран хамгаалагчтай 68,
• эрүүл мэндийн шалтгаантай 28,
• виз, санхүү зэрэг хүндэтгэн үзэх шалтгаантай 53 иргэн багтсан байна.

Иргэдийг ХӨСҮТ, ЦТЭ, “Ворлд Монголиа”, “Тайж”, “Вензоу”, “Амар” зочид буудлуудад 21 хоног тусгаарлах юм гэж Улсын онцгой комиссын Шуурхай штабаас мэдээллээ.

Мэдээллийг мэргэжлийн хяналтын ерөнхий газраас шууд дамжуулж байна.

Долоодугаар сард нийт арван нислэг үйлдэх төлөвлөгөөтэй буй. Тус нислэг нь долоодугаар сард хийж буй гурав дахь нислэг болж байна.

Энэ удаагийн нислэгт мэргэжлийн хяналтын газраас байцаагч нар яваагүй. Онгоц буусны дараа мэргэжлийн хяналтын дөрвөн байцаагч онгоцонд нэвтэрч иргэдээс асуумж авч байна.