ДДэш ТВ ХХК нь нийгмийн хариуцлагынхаа хүрээнд “Оюуныг гэрэлтүүлж, соёлыг түгээнэ” гэсэн уриан дор Архангай, Өвөрхангай, Хөвсгөл, Сэлэнгэ, Дорнод, Сүхбаатар аймгийн 50 сумыг хамарсан “ДДэш Соёлын элч” аяныг 2023 оны 4 сараас эхлэн хэрэгжүүлж эхлээд байгаа билээ. Зургаан аймгийн 50 сумын сурагчдын дотуур байр, соёлын төв болон  соёлын төвийн эрхлэгчийг ДДэш-ийн элч төлөөлөгчөөр сонгон, тэдэнтэй хамтран соёлын арга хэмжээг зохион байгуулж, урамшуулан ажиллаж байна.

Дээрх сумдын дотуур байранд амьдардаг сурагчид ДДэш-г үнэ төлбөргүй хэрэглэдэг бөгөөд дэлхий нийтийн мэдээ мэдээллийг хоцролгүй авахаас гадна хувь хүний хөгжлийн илтгэл, кино өдөрлөгт тогтмол хамрагдан хөгжиж байна.

Орон нутгийн иргэдийн хувьд суманд соёлын үрийг тарьж байдаг гол цөм нь сумын соёлын төвүүд байдаг. Өмнө нь зөвхөн бүжиг, хурал болдог соёлын төвд одоо кино үзэх, ДДэш хүүхдийн кино өдөрлөг, ДДэш караоке өдөрлөг, ДДэш дууны уралдаан, амьдралд үнэ цэн авчрах олны танил хүмүүсийн илтгэл сонсох зэрэг арга хэмжээнүүд тогтмол болж байгаа бөгөөд ирэх жилүүдэд үйл ажиллагааныхаа төрлүүдийг илүү баяжуулж, илүү олон сумдад хүргэхээр төлөвлөж байна. Соёлын төвийн эрхлэгч нар энэхүү арга хэмжээнүүдийг идэвхтэй зохион байгуулж, сумын иргэдийнхээ соёлын хөгжилд анхааран ажиллаж байгаа нь талархууштай.

Энэхүү аяны хүрээнд хийгдэж буй олон ажлуудын нэг нь “ДДэш соёлын элч, МУСТА, дуучин Э.Төрмандахын дууг хэн сайн дуулах вэ” гэсэн дууны уралдааныг 2 үе шаттайгаар Талын Монгол ТВ-тэй хамтран зохион байгуулж байгаа юм.

1-р шат: Караоке дууны уралдаан

Сумын соёлын төв дээрээ 3 хүний гишүүнтэй 6 хүртэлх баг хоорондоо 4 удаагийн караоке дууны уралдаан хийж хамгийн өндөр оноо авсан шилдэг нэг баг 2-р шатанд сумаа төлөөлөн бусад сумын багуудтай өрсөлдөх юм.

2-шат: 2 үетэй

1-р үе: Видео уралдаан

Шалгарсан багууд дуучин Э.Төрмандахын 17 дуунаас сонгон дуугаа видео хэлбэрт оруулан marketing@ddishtv.mn и-мэйл хаяг руу илгээнэ. Ирсэн видеог дуучин Э.Төрмандах болон ДДэш соёлын элчийн Facebook page дээр пост хийж, хамгийн өндөр хандалт авсан эхний 15 багийн дууг 2-р үед оруулна.

2-р үе: Дуучин Э.Төрмандахын шүүлт

2 дугаар шатны 2-р үеийг МУСТА дуучин Э.Төрмандах дуулалтын ур чадвар болон видео клипний агуулгыг дүгнэн шалгаруулах бөгөөд Талын Монгол ТВ болон DDish Live сувгуудаар Монгол орон даяар нэвтрүүлж ялагчдыг тодруулах юм.

Шилдэг багуудыг 1,000,000-3,000,000 төгрөг хүртэлх шагналын сан хүлээж байна.

Оюуныг гэрэлтүүлж, соёлыг түгээнэ.