• Хүүхдүүдээ дагуулан ирээд нэг өдрийг дурсамж дүүрэн хөгжилтэй өнгөрөөгөөрэй.
• Үрчлүүлэх амьтадтай танилцах боломжтой.
• Амьтдад зориулсан хөгжөөнт тэмцээн, хүүхдүүдэд зориулсан хөгжөөнт тэмцээн болно.

"Азтай савар" төрийн бус байгууллагаас маргааш буюу 6 дугаар сарын 24-нд Үндэсний Цэцэрлэгт Хүрээлэнгийн Хөл Бөмбөгийн талбайд "BePawsitive-3" өдөрлөг зохион байгуулах гэж байна. Энэ бол амьтанд хайртай хүн бүрийн цуглах өдөр бөгөөд хайр татам амьтад тэдгээрийн эзэд болон амьтан сонирхдог хэн бүхэнд нээлттэй. Та бүхэн хайртай амьтнаа дагуулан ирээд нэгэн өдрийг дурсамж дүүрэн хөгжилтэй өнгөрөөгөөрэй.

Өдөрлөгт:

-Гэрийн тэжээвэр амьтны тухай хуулийн явцын мэдээлэлтэй танилцах

-Амьтдаа найзтай болгох, тоглуулах

-Азтай Савар ТББ-т хандив өгөх

-Төрөл бүрийн нэрийн бүтээгдэхүүн худалдан авах

-Үрчлүүлэх амьтадтай танилцах

-Амьтан тэжээх зөвлөгөө авах

-Хайрт азтай саврынхаа түүхийг хуваалцах болон сонсох

-Хамтрагч байгууллагууд зэрэг маш олон зүйлтэй танилцаж, оролцох боломжтой.

Мөн амьтдад зориулсан хөгжөөнт тэмцээн, хүүхдүүдэд зориулсан хөгжөөнт тэмцээн, дууны нээлттэй микрофон ажиллах болно. Өдөрлөгийн үеэр "Бидний нүдээр тэд амьдрах эрхтэй" гар зургийн үзэсгэлэн гарна. Бяцхан хүүхдүүдийн нүдэнд амьтдын амьдрал, амьдрах эрх хэрхэн харагддаг гэдгийг авьяаслаг тэдний үзэсгэлэнгээс үзээрэй.