Хөгжлийн банкны сонсголоор 2014 онд хэрэгжүүлсэн, 888 төслийн хүрээнд зээл авсан ААН-үүдийн асуудлыг хэлэлцэж байна.
Алтай группийн "Монгол драй милк" компани 36 тэрбум төгрөгийн зээлийн үлдэгдэлтэй байна.

Зээлийг Үйлдвэр хөдөө аж ахуйн яамнаас авчээ. Мөн "Алтай групп" 30 тэрбум төгрөгийн зээлийг гурил, тэжээлийн үйлдвэр байгуулах, газар тариалангийн төсөл хэрэгжүүлнэ хэмээн 20 тэрбум төгрөгийн зээл тус тус авчээ.

Нийт 86 тэрбум төгрөгийн зээл авснаар тус банкны томоохон зээлдэгч болжээ.

Сонсголд “Алтай” группийн захирал Х.Бат-Эрдэнэ ирээгүй, төлөөллөө явуулжээ.  Тэрээр "Бид 2014 онд зээлээ аваад 2016 онд үйлдвэрээ барьж дууссан. 2016 онд Засгийн газар өвс тэжээлийг экспортлохыг хориглосон юм. Өвөлжилт хүндэрсэн тул энэ шийдвэрийг гаргасан. Энэ шийдвэрийг гаргахдаа бүсчилсэн байдлаар гаргах нь зөв байсан. 2016 онд хадсан өвс тэжээл одоо харласан байдалтай байгаа.

-УИХ-ын ишүүн Б.Энхбаяр: Та бүхэн 20 тэрбум төгрөгийн зээл аваад 19 тэрбум төгрөгийг бэлнээр авчээ. Үүнийг юунд зарцуулсан бэ?
-Төсөлдөө болон өмнөх зээлийг төлөхөд зарцуулсан, бид гурилын үйлдвэр байгуулаагүй. Тэжээл  гурилын үйлдвэр гэж зээлийн гэрээнд бичсэн байх ёстой. Дорнод аймгийн Халхгол суманд жижиг хэмжээний гурилын үйлдвэр барихаар судалсан ч энэ төслийг хэрэгжүүлээгүй гэв.

Шинжээч энэ зээлийг авахдаа тус компани хоногт 100 тонн улаан буудай боловсруулах хүчин чадалтай, гурилын үйлдвэр байгуулахаар зээлийн хүсэлтдээ бичсэн байна гэсэн юм. УИХ-ын гишүүн Б.Энхбяр "Би Дорнодынх, манай аймагт гурилын үйлдвэр байхгүйг би сайн мэднэ" гэв.