Банк болгон төлбөрийн картаа дурын хэлбэр хэмжээгээр үйлдвэрлээд байвал түрийвч, картын машинд ч таарахгүй, төвөгтэй байдал үүсгэх нь мэдээж.

Эсвэл нэг компани цахилгаан барааныхаа залгуурыг таван сэрээтэй, нөгөө нь гурван сэрээтэй хийвэл яах бол... Үл ойлголцол, эмх замбараагүй байдал үүсэх нь гарцаагүй. Иймээс бидний амьдралдаа хэрэглэж байгаа өдөр тутмын зүйлс, авч байгаа үйлчилгээ бүхэн  стандартаар зохицуулагдаж байдаг. 

СТАНДАРТ ГЭЖ ЮУ ВЭ, ЯАГААД ЧУХАЛ ГЭЖ?

Стандарт нь барилга, уул уурхай, хүнс үйлдвэрлэл, боловсрол, эрүүл мэнд, хэвлэл мэдээлэл зэрэг бүхий л салбарт хамаатай бүтээгдэхүүн, үйлчилгээ, үйл ажиллагааны хангавал зохих жишиг хэм хэмжээ юм. Өөрөөр хэлбэл амар тайван ажил амьдралын үндэс суурь болж өгдөгт гол утга учир нь оршдог.

Байгууллагуудад орлогоо өсгөж, зардлаа багасгах, хэрэглэгчдийнхээ тоог нэмэгдүүлэх, сэтгэл ханамжийг нь дээшлүүлэх, тогтмол сайжруулах боломжийг бий болгох нь аливаа компанийн зорилго билээ.

Тэгвэл байгууллагад стандарт нэвтрүүлснээр танд, таны компанид ямар ач тустай вэ?

Менежментийн стандартыг үйл ажиллагаандаа хэрэгжүүлснээр:

• Бүтээгдэхүүн үйлчилгээнийхээ чанарыг сайжруулах,
• Бүтээмжээ нэмэх,
• Шинэ хэрэглэгч татах,
• Өрсөлдөх чадвараа нэмэгдүүлэх
• Шинэ ажилтан орсон ч ажил тань тогтвортой үргэлжилж, доголдол үүсэх эрсдэлийг бууруулдаг гээд олон давуу талтай.

Нэг үгээр хэлэхэд байгууллага үйл ажиллагаагаа тогтвортой явуулах, өргөжин томрох эсэх нь зөв үйл ажиллагаа, зөв удирдах арга барилаас л шалтгаалдаг.

Аливаа байгууллагыг хэн нэгэн ажилтнаар хардаггүй. Харин түүний цаана бие биеэсээ хамааралтай цогц систем байдаг бөгөөд тэр системийг бий болгоход  удирдлагын тогтолцооны стандартууд л хэрэгтэй байдаг.

Салбар бүрд тохирсон стандарт байдаг учраас байгууллага болгон стандартыг хэрэгжүүлэх боломжтой.

Тухайлбал, чанартай бүтээгдэхүүн, үйлчилгээгээр хэрэглэгчийн сэтгэл ханамжийг нэмэгдүүлэхэд чиглэсэн Чанарын менежментийн тогтолцооны стандарт, үйлдвэрийн осол гэмтлээс урьдчилан сэргийлж, аюулгүй ажлын байр бий болгох стандарт, хүнсний аюулгүй байдлыг хангахад чиглэсэн стандарт, байгаль орчинд хариуцлагатай үйл ажиллагаа явуулахад чиглэсэн стандартуудыг дурдаж болно. 

СТАНДАРТЫГ БАТАЛГААЖУУЛАГЧ НЬ “ХЭН” БАЙХ НЬ ЯАГААД ЧУХАЛ ГЭЖ...

Олон улсад нэр хүнд бүхий баталгаажуулалтын байгууллагаас батламж авснаар тухайн байгууллагын нэр хүнд өсөх,  гадны зах зээлд бүтээгдэхүүнээ экспорлоход маш том дэмжлэг болдог. Тиймээс хамгийн шилдэг, нэр хүнд бүхий баталгаажуулалтын олон улсын байгууллагыг сонгох нь олон давуу талтай.

Тухайлбал, ХБНГУ-ын баталгаажуулалтын ууган байгууллага болох DQS Holding GmbH нь дэлхийд эхний 10-т ордог, 60 гаруй улсад 85 салбартай, олон улсад нэр хүндтэй баталгаажуулалтын байгууллага юм. Нийт 200 гаруй төрлийн стандартаар бүхий л салбарт аудит хийдэг бөгөөд 2020 оны байдлаар 130 орны 65 мянга гаруй байгууллагад аудит хийж, сертификат олгожээ. DQS-ийн сертификат нь олон улсад хүлээн зөвшөөрөгддөг тул экспортоо нэмэгдүүлэхийг хүссэн хэн бүхэнд маш том давуу тал болдог.

Түүнчлэн олон улсын баталгаажуулалтын нэгдсэн сүлжээ болох IQNet-ийн батламж давхар авснаар тухайн байгууллагын бүтээгдэхүүн үйлчилгээ  дэлхийн түвшинд хүлээн зөвшөөрөгдөх болж байна.

СТАНДАРТЫГ ХЭРХЭН НЭВТРҮҮЛДЭГ ВЭ?

Дээр дурдсан олон стандартуудын аль нь танай байгууллагад тохирох, хэрхэн нэвтрүүлэх, үйл ажиллагаагаа сайжруулж улам илүү үнэ цэнийг бүтээхэд цогц, цэгцтэй ойлголт авахыг хүсвэл мэргэжлийн зөвлөх үйлчилгээ үзүүлдэг байгууллага сонгохыг зөвлөж байна. Харин энэ үйлчилгээг менежментийн зөвлөх үйлчилгээний “Эконэйшнл” ХХК үзүүлдэг.

Тус компани нь 2014 онд үүсгэн байгуулагдсан бөгөөд ISO Стандартын зөвлөгөө, зохистой дадлын стандарт GAP, GMP, Эрсдэлийн үнэлгээ, Гүйцэтгэлийн анализ, Процесс Анализ, Баталгаажуулалт чиглэлээр зөвлөх үйлчилгээ үзүүлдэг байна. 

Мөн тус компани төрөл бүрийн салбарт, 130 гаруй байгууллагатай хамтран ажилласан туршлагатай бөгөөд тухайн байгууллагын онцлогт тохирсон оновчтой зөвлөгөөг практик дээр өгөх замаар хөгжиж дэвшихэд нь дэмжлэг үзүүлдгээрээ давуу талтай. Түүнчлэн DQS Holding GmbH зэрэг олон улсын баталгаажуулалтын байгууллагуудыг санал болгодог тул та нэг дор хүссэн үйлчилгээгээ авах боломжтой юм. 

Та байгууллагынхаа нэр хүндийг өсгөхийг, үйл ажиллагаагаа тогтвортой явуулахыг, бизнесээ тэлж, ашиг орлогоо нэмэгдүүлж, хэрэглэгчдэд чанартай бүтээгдэхүүн үйлчилгээг хүргэхийг зорьж байвал дэлгэрэнгүй мэдээллийг ЭНД-ээс авна уу.