Дэлхийн багш нарын өдөр өнөөдөр буюу аравдугаар сарын 5-д тохиож байна. 1994 оноос хойш тэмдэглэж ирсэн энэ өдөртэй холбогдуулан манай улс дахь багш нартай холбоотой тоон мэдээллийг хүргэе.

2021 оны байдлаар Монгол Улсын бүх шатны сургалтын байгууллагад нийт 52 160 багш ажиллаж байгаагаас 19 хувь нь эрэгтэй байна.

Багш нарын дундах хүйсийн харьцаа сургуулийн өмнөх боловсролд хамгийн бага буюу 4 хувь байгаа бол их, дээд сургуульд хамгийн их буюу 38 хувь нь эрэгтэй байна.

Үндэсний статистикийн хорооны мэдээллийн дагуу Монгол Улсад одоогоор нийт Ерөнхий боловсролын 848 сургууль байгаа ба түүнд 712 400 хүүхэд суралцаж байна. Тэдгээр хүүхдүүдэд нийт 35 110 багш хичээл зааж байгаагаас харахад 20 хүүхэд тутамд нэг багш ногдож байгаа аж.