Хөвсгөл аймгийн баяр наадамд 256 бөх барилдаж, Галт сумын харьяат аймгийн начин Буянтогтохын Пүрэвдорж найм даван түрүүлж арслан цол хүртэв. Шинэ-Идэр сумын харьяат аймгийн харцага Лхагвасүрэнгийн Энхбат үзүүрлэж аймгийн заан цол хүртэв.

Их шөвөгт Арбулаг сумын харьяат аймгийн арслан Гаанжуурын Батням, мөн сумын харьяат аймгийн заан Гэсэрийн Бат-Эрдэнэ нар шалгарлаа.

Цагаан-Үүр сумын харьяат сумын заан Гансүхийн Баянбаатар, Баянзүрх сумын харьяат сумын заан Даваадамдингийн Отгонбаяр, Улаан-Уул сумын харьяат Чинсүхийн Сайханбаяр нар тав даван шөвгөрч аймгийн начин цолонд хүрлээ. Цагаан-Уул сумын харьяат аймгийн начин Гармаагийн Бат-Эрдэнэ начин цолоо батласан байна.