Австралийн Хөрөнгийн биржид бүртгэлтэй “Elixir Energy” компани Монгол дахь хайгуулын ажлын явцаас танилцууллаа.

Тус компани Өмнөговь аймагт “Номгон-IX” талбайд нүүрсний метан хийн хайгуул хийж байгаа юм. Өрөмдлөгийн ажлыг “Erdene Drilling” компани гүйцэтгэж байгаа бөгөөд “Баруун янгир-1” цооногийн өрөмдлөгийг эхлүүлэх гэж байгаа юм байна. Түүнчлэн цар тахалтай холбоотой хязгаарлалтуудыг султгаснаар “Top Diamond Drilling” компани үйл ажиллагаагаа үргэлжлүүлэх боломжтой болсон гэж мэдээллээ.

Үүнээс гадна “Elixir Energy” компанийг тавдугаар сарын 27-ноос эхлэн “MSCI Micro Cap Australia” индексэд тооцож эхлэхээр бүртгэсэн байна.

“Elixir Energy”-ийн хувьцааны ханш 9.5 хувиар буурч, 0.28 австрали доллар болжээ.

Б.Батцэцэг