Номхон далайн арлын орон Фижи эрэгтэйчүүдийн рагби-7 спортын төрлөөр олимпын хошой аварга боллоо. 2016 оны Риогийн олимпоос эхлэн олимпын спорт болсон рагби-7 нь 300 гаруй арал дээр оршин тогтнодог Фижи улсын үндэсний спорт юм.

2016 оны финалд Их Британийг 43-7 харьцаагаар хожиж байсан Фижи энэ удаа Шинэ Зеландын шигшээ багийг 27-12 харьцаагаар хожин түрүүллээ.

Токиогийн олимпын хүрэл медалийг Аргентины шигшээ баг Их Британийг хожин хүртсэн бол Өмнөд Африк, АНУ-ын шигшээ багууд тав болон зургаадугаар байранд оржээ.

Сая хүрэхгүй хүн амтай Фижи улс олимпын түүхдээ ердөө хоёр медаль авч байсан нь рагби-7-гийн хоёр алт юм.