Сэлбэ голын дагуу далан барих бүтээн байгуулалт үргэлжилж байна. Тодруулбал нэг талдаа 750 метр, нийтдээ 1.5 км үерийн далан барих юм. Мөн Натурын гүүрний хойд хэсэгт 130 метр түшиц хана хийнэ. 

Үерийн далангийн хөндлөн огтлол нь хамгийн багадаа 18 метрээс 40 метрийн өргөн байна. Иймээс үерийн далангийн зүүн хэсгийн ажлыг үргэлжлүүлэхийн тулд шороо болон элсээр шуудайлан далан барьж, голын урсцыг түр хаагаад байгаа талаар бид өмнө нь мэдээлж байв.

Өнгөрсөн жилийн намар голын үерийн хамгаалалтын далан барих ажлын хүрээнд эрэг дагуух бургаснуудыг тайрч, зөөж шилжүүлэх боломжтойг нь Хар усан тохойд суулгана хэмээн албаныхан мэдээлж байв.

2024  оны наймдугаар сарын 30-н ба өнөөдөр буюу 2025 оны дөрөвдүгээр сарын 4-ний харьцуулсан зураг

Гэрэл зургийг Г.Өнөболд