Ж.Тана "Алсын хараа-2050", салбар дундын уялдааг хангах үндэсний хорооны ажлын албыг ахлах болжээ. Тэрээр Ерөнхий сайдын санал болгосноор, Засгийн газрын хуралдааны шийдвэрээр 2023-04-19-нөөс хойш "Оюу толгой" компанийн ТУЗ-ийн гишүүнээр ажиллаж байсан юм.

Ж.Тана АНУ-ын Юта мужид бүрэн дунд сургуулиа дүүргэж, Харвардын их сургуулийг эдийн засагч, Зүүн Ази судлалын мэргэжлээр бакалаврын зэрэгтэй төгссөн. Оксфордын их сургуульд бизнесийн удирдлагын магистрын зэрэг хамгаалжээ.  

Рио Тинто, МкКензи зэрэг олон улсын хөрөнгө оруулалтын компаниудад мэргэжлээрээ ажилласан, Монголд ирэхийн өмнө МкКензигийн Казахстан улс дахь салбарт хөрөнгө оруулалтын менежерээр ажилласан тул "Оюу толгой" компанид ажиллах болсон.

Монголын талыг буюу "Эрдэнэс Оюу толгой" компанийг төлөөлөн "Оюу толгой"-д ажиллах дараагийн ТУЗ-ийн гишүүнийг хараахан танилцуулаагүй байна. Одоо Монголын талыг төлөөлж Намсрайн Цэрэнбат, Энхбаатарын Баясгалан нар ажиллаж байна.