Хоёрдугаар сарын 27-ны өдөр Хан-Уул дүүргийн нутаг, Хийморийн овоо өгсдөг зам дээр иргэн Д.Мөнхжаргал нь “RYR” маркийн авто машинд мөргүүлж гэмтсэн байна. Иймд уг авто машины улсын дугаарыг харсан хүн байвал Замын цагдаагийн газрын 318 тоотод биеэр ирж уулзах буюу 9802 0410 тоот утсаар холбоо барина уу.

Дашрамд сануулахад Хийморийн овоо руу өгсдөг зам гулгаа халтиргаатай байгаагаас уг замд аваар ослын хэрэг их гарч байна. Иймд замын нөхцөл байдалд хурдаа тохируулж явахыг жолооч нарт сэрэмжлүүлж байна.