Монголын үндэсний музейд “Данс хараа- өв соёл” сэдэвт архивын баримт бичиг, ховор гэрэл зургийн үзэсгэлэн өнөөдөр нээлтээ хийлээ. Монгол Улсад архив, албан хэрэг хэрэг хөтлөлтийн алба үүссэний 90 жилийн ой, жил бүрийн зургаадугаар сарын 9-ний өдөр болдог Дэлхийн архивын өдрийг угтсан энэ үзэсгэлэнд Үндэсний төв архивын сан хөмрөгт хадгалагдаж буй баримт бичиг, ховор гэрэл зураг зэрэг 150 гаруй баримтыг дэлгэжээ.
Үзэсгэлэнг нээж Хууль зүйн яамны Төрийн нарийн бичгийн дарга Баясгалан, “Эзэн Богд Чингис хаан 1206 онд Их Монгол Улсыг байгуулсан даруй төрийн хэргийг цагаан цаасан дээр хөх бэхээр бичин дэвтэрлэж, ургийн урагт хүргэсүгэй хэмээн зарлиг буулгаснаар Монгол төрийн түүх бичгийн эх соёлыг олон түмэнд түгээх замаар явсаар баларч арилалгүй ХХ зууны хилээр залгасан.
Улмаар 1927 онд Судар бичгийн хүрээлэнгийн 10 дугаар хурлаар тус хүрээлэнд хадгалагдаж буй өмнөх үеийн данс харааг эрхлэх нэг хүний орон тоог бий болгосон. Энэ нь Монгол Улсад орчин цагийн архивын албаны түүхийг бичиглэх он цагийг эхлүүлсэн гэж үздэг.
Өнгөрсөн хугацаанд Монголын архивын байгууллага эх орон, ард түмний өвийг хадгалан хамгаалах, түүхэн үүргээ нэр төртэйгээр биелүүлж ирсэн.
Монгол Улсад орчин цагийн архивын алба үүсгэн байгуулагдсаны 90 жилийн ойд зориулж Хууль зүйн яам, Архивын албатай хамтран олон ажил зохион байгуулж буйн нэг нь энэ үзэсгэлэн юм” гэж хэллээ.
“Данс хараа-өв соёл” хэмээх энэ үзэсгэлэнд архивын ховор зураг баримтуудыг олон нийтэд дэлгэхийн зэрэгцээ судалгааны эргэлтэд оруулах зорилготой гэж Архивын ерөнхий газрын дарга, түүхийн ухааны доктор Хоролдамба онцлов.
Энэ үзэсгэлэнд 1924 онд батлагдсан анхдугаар үндсэн хуулийн эх, 1914 онд Сайн ноён хан Т.Намнансүрэн тэргүүтэй Монгол Улсын Засгийн газрын төлөөлөгчид Хаант Орос улсад айлчилсан тухай баримтат кино, Өндөр гэгээн Занабазарын шүншиглэсэн Халхын Очирбат Түшээт ханы тамга, БНМАУ-ын Ерөнхий сайд А.Амарыг улс төрийн хилс хэрэгт хэлмэгдүүлсэн хавтаст хэрэг зэрэг ховор баримтуудыг дэлгэжээ.
ХХ зууны эхнээс ХХI зууны эхэн хүртэлх 100 гаруй жилийн түүхийг өгүүлэх олонд дэлгээгүй ховор үзмэрийн үзэсгэлэн энэ сарын 9-нийг хүртэл үргэлжилнэ.
Гэрэл зургийг Б.Жавхлантөгс
Монголын үндэсний музейд “Данс хараа- өв соёл” сэдэвт архивын баримт бичиг, ховор гэрэл зургийн үзэсгэлэн өнөөдөр нээлтээ хийлээ. Монгол Улсад архив, албан хэрэг хэрэг хөтлөлтийн алба үүссэний 90 жилийн ой, жил бүрийн зургаадугаар сарын 9-ний өдөр болдог Дэлхийн архивын өдрийг угтсан энэ үзэсгэлэнд Үндэсний төв архивын сан хөмрөгт хадгалагдаж буй баримт бичиг, ховор гэрэл зураг зэрэг 150 гаруй баримтыг дэлгэжээ.
Үзэсгэлэнг нээж Хууль зүйн яамны Төрийн нарийн бичгийн дарга Баясгалан, “Эзэн Богд Чингис хаан 1206 онд Их Монгол Улсыг байгуулсан даруй төрийн хэргийг цагаан цаасан дээр хөх бэхээр бичин дэвтэрлэж, ургийн урагт хүргэсүгэй хэмээн зарлиг буулгаснаар Монгол төрийн түүх бичгийн эх соёлыг олон түмэнд түгээх замаар явсаар баларч арилалгүй ХХ зууны хилээр залгасан.
Улмаар 1927 онд Судар бичгийн хүрээлэнгийн 10 дугаар хурлаар тус хүрээлэнд хадгалагдаж буй өмнөх үеийн данс харааг эрхлэх нэг хүний орон тоог бий болгосон. Энэ нь Монгол Улсад орчин цагийн архивын албаны түүхийг бичиглэх он цагийг эхлүүлсэн гэж үздэг.
Өнгөрсөн хугацаанд Монголын архивын байгууллага эх орон, ард түмний өвийг хадгалан хамгаалах, түүхэн үүргээ нэр төртэйгээр биелүүлж ирсэн.
Монгол Улсад орчин цагийн архивын алба үүсгэн байгуулагдсаны 90 жилийн ойд зориулж Хууль зүйн яам, Архивын албатай хамтран олон ажил зохион байгуулж буйн нэг нь энэ үзэсгэлэн юм” гэж хэллээ.
“Данс хараа-өв соёл” хэмээх энэ үзэсгэлэнд архивын ховор зураг баримтуудыг олон нийтэд дэлгэхийн зэрэгцээ судалгааны эргэлтэд оруулах зорилготой гэж Архивын ерөнхий газрын дарга, түүхийн ухааны доктор Хоролдамба онцлов.
Энэ үзэсгэлэнд 1924 онд батлагдсан анхдугаар үндсэн хуулийн эх, 1914 онд Сайн ноён хан Т.Намнансүрэн тэргүүтэй Монгол Улсын Засгийн газрын төлөөлөгчид Хаант Орос улсад айлчилсан тухай баримтат кино, Өндөр гэгээн Занабазарын шүншиглэсэн Халхын Очирбат Түшээт ханы тамга, БНМАУ-ын Ерөнхий сайд А.Амарыг улс төрийн хилс хэрэгт хэлмэгдүүлсэн хавтаст хэрэг зэрэг ховор баримтуудыг дэлгэжээ.
ХХ зууны эхнээс ХХI зууны эхэн хүртэлх 100 гаруй жилийн түүхийг өгүүлэх олонд дэлгээгүй ховор үзмэрийн үзэсгэлэн энэ сарын 9-нийг хүртэл үргэлжилнэ.
Гэрэл зургийг Б.Жавхлантөгс