Ливерпүүлийн довтлогч Египетийн шигшээ ахлагч Мухамед Салах 2018 оны Африк тивийн шилдэг хөлбөмбөгч боллоо. Өнгөрсөн жил бас энэхүү шагналын эзнээр тодорч байсан Салах хоёр жил дараалан Африк тивийн хамгийн шилдэг тамирчин болж гялалзсан байна.

Одоо 26 настай Салахтай хамт энэхүү шагналд Ливерпүүл клубийн хамтрагч Сенегалын Садио Мане Арсеналын довтлогч Аубамеяанг нар өрсөлдсөн юм.

Салах: Би хүүхэд байхаасаа энэ шагналыг хүртэхийг мөрөөддөг байсан. Харин одоо бүр хоёр жил дараалан мөрөөдөлдөө хүрлээ. Энэ үнэхээр гайхалтай мэдрэмж. Хэмээн ярьжээ.

Мухамед Салах 2017-2018 оны улиралд нийтдээ Ливерпүүлийн өмсгөлтэй 44 гоол хийсэн ба багаа аваргуудын лигийн шигшээд шалгаруулахад том хувь нэмэр оруулсан билээ. Мөн Африк тивээс Египетийн шигшээ багаа ОХУ-д зохиогдсон ДАШТ-нд хөтлөн шалгаруулж чадсан юм. Мөн Африкийн оны шилдэг бэлгэдлийн 11 тамирчны багийн ахлагчаар нэрлэгдсэн байна.

Эх сурвалж: BBC

Сэтгүүлч: Л.Тулга