Гоолингоо сайтаас зохион байгуулдаг “Тэврэлтийн өдөр” өнөөдөр болно. Энэ өдөр бие биедээ элгэмсэг дулаанаар хандаж, дэргэдэх хүмүүстээ тэврэлт бэлэглэхийг уриалдаг юм.

2013 оноос хойш зохион байгуулж буй уг үйл ажиллагаа энэ жил хүрээгээ тэлж, Нийслэлийн соёл урлагийн газар, “Найрсаг Улаанбаатар” хөтөлбөрийн хүрээнд нийслэл хотынхоо хүн бүрийг илүү найрсаг, гэгээлэг болгоход хувь нэмрээ оруулахаар хамтран ажиллаж байгаа юм байна.

Өнөөдөр хотын гудамжаар тэврэлтийн цуваа явж, олон хүнд тэврэлт бэлэглэх аж.

Өмнөх жилүүдээс ялгаатай нь нийгэмд сайн өөрчлөлт авчрахыг хүссэн залуус Үндэсний соёл амралтын хүрээлэн, Тэнгис кино театр, Улсын их дэлгүүр, Бөхийн Өргөө гэсэн цэгүүдэд 18.00 цагт цугларч, таарсан хүмүүстээ тэврэлт бэлэглэх бөгөөд Чингисийн талбайд цуглах юм байна.