Иргэдийн өргөдөл, гомдлыг нээлттэй хэлэлцэн шийдвэрлэх танхимтай боллоо
УИХ-ын Өргөдлийн байнгын хороо иргэдийн өргөдөл, гомдлыг нээлттэй хэлэлцэн шийдвэрлэх зорилгоор Хянан магадлах хуралдааны танхимтай болсноо өнөөдөр мэдээллээ.
УИХ-ын гишүүн, Өргөдлийн байнгын хорооны дарга О.Баасанхүү УИХ-ын тухай хуулийн 19.2 заалтыг хэрэгжүүлэх, иргэдийн өргөдөл, гомдлыг шийдвэрлэх үүргээ биелүүлэх бололцоог бүрдүүлэх үүднээс энэ танхимыг нээснээ танилцуулав. Тус байнгын хороо нь иргэдээс олон тооны өргөдөл, гомдол хүлээн авдаг бөгөөд тэдгээрийг холбогдох бүх талын оролцоотойгоор нээлттэй хянан магадлах үйл ажиллагаа явуулах юм байна.
Мөн Өргөдлийн байнгын хороо төрийн албан хаагчдыг үндэслэлгүйгээр ажлаас нь халсантай холбоотой бүх өргөдөл, гомдлыг судлан, ойрын хугацаанд хянан шийдвэрлэх ажлыг зохион байгуулахаар төлөвлөөд байгаа талаар Байнгын хорооны дарга О.Баасанхүү мэдээллээ.
Тэрбээр “Энэ асуудлаар 2013 онд 393 гомдол, 2014 онд 512 гомдол ирсэн бол энэ оны нэгдүгээр улиралд 229 гомдол ирээд байна. Эдгээр гомдлын 54 нь ажлаас чөлөөлсөн, 50 нь бүтцийн өөрчлөлтөөс болж ажлаасаа халагдсан гэдэг шалтгаан дурдсан бол үлдсэн нь “үндэслэлгүй” гэжээ. Тиймээс Төсвийн байнгын хорооны "Нэг асуудлаар 100-гаас дээш тооны өргөдөл, гомдол хүлээн авсан бол хэвлэл мэдээллийн байгууллагуудад хандана" гэсэн дүрмийн дагуу энэ асуудлыг Хянан магадлах хуралдааны танхимд бүх талын оролцоотойгоор, нээлттэй хэлэлцэнэ. Тус хуралдаанд Сангийн яам, Төрийн албаны зөвлөл болон Эрүүл мэнд, спортын яам, Хөдөлмөрийн яам, Байгаль орчны яамны төлөөллийг оролцуулж, холбогдох гомдлыг шийдвэрлэнэ” гэлээ.
Тус байнгын хорооны гишүүн Ж.Батзандан, УИХ нь хууль тогтоохоос гадна хянан шалгах үүрэгтэйг дурдаад “Сүүлийн 20 гаруй жил энэ чиг үүргээ хэрэгжүүлээгүй гэж хэлж болно. Тиймээс Өргөдлийн байнгын хорооноос УИХ-ын хянан магадлах, мөрдөн шалгах чиг үүргийг хүчтэй хэрэгжүүлж эхлэх зорилт тавьсан. Энэ хүрээнд Хянан магадлах хуралдааны танхимтай болж байна” хэмээн хэллээ. Нөгөөтэйгүүр, төрийн дунд болон өндөр дээд албан тушаалтнуудын хариуцлагын тогтолцоог дээшлүүлэх, хуулийн хэрэгжилтэд хяналт тавих зорилготой юм байна.
Иргэдийн өргөдөл, гомдлыг нээлттэй хэлэлцэн шийдвэрлэх танхимтай боллоо
УИХ-ын Өргөдлийн байнгын хороо иргэдийн өргөдөл, гомдлыг нээлттэй хэлэлцэн шийдвэрлэх зорилгоор Хянан магадлах хуралдааны танхимтай болсноо өнөөдөр мэдээллээ.
УИХ-ын гишүүн, Өргөдлийн байнгын хорооны дарга О.Баасанхүү УИХ-ын тухай хуулийн 19.2 заалтыг хэрэгжүүлэх, иргэдийн өргөдөл, гомдлыг шийдвэрлэх үүргээ биелүүлэх бололцоог бүрдүүлэх үүднээс энэ танхимыг нээснээ танилцуулав. Тус байнгын хороо нь иргэдээс олон тооны өргөдөл, гомдол хүлээн авдаг бөгөөд тэдгээрийг холбогдох бүх талын оролцоотойгоор нээлттэй хянан магадлах үйл ажиллагаа явуулах юм байна.
Мөн Өргөдлийн байнгын хороо төрийн албан хаагчдыг үндэслэлгүйгээр ажлаас нь халсантай холбоотой бүх өргөдөл, гомдлыг судлан, ойрын хугацаанд хянан шийдвэрлэх ажлыг зохион байгуулахаар төлөвлөөд байгаа талаар Байнгын хорооны дарга О.Баасанхүү мэдээллээ.
Тэрбээр “Энэ асуудлаар 2013 онд 393 гомдол, 2014 онд 512 гомдол ирсэн бол энэ оны нэгдүгээр улиралд 229 гомдол ирээд байна. Эдгээр гомдлын 54 нь ажлаас чөлөөлсөн, 50 нь бүтцийн өөрчлөлтөөс болж ажлаасаа халагдсан гэдэг шалтгаан дурдсан бол үлдсэн нь “үндэслэлгүй” гэжээ. Тиймээс Төсвийн байнгын хорооны "Нэг асуудлаар 100-гаас дээш тооны өргөдөл, гомдол хүлээн авсан бол хэвлэл мэдээллийн байгууллагуудад хандана" гэсэн дүрмийн дагуу энэ асуудлыг Хянан магадлах хуралдааны танхимд бүх талын оролцоотойгоор, нээлттэй хэлэлцэнэ. Тус хуралдаанд Сангийн яам, Төрийн албаны зөвлөл болон Эрүүл мэнд, спортын яам, Хөдөлмөрийн яам, Байгаль орчны яамны төлөөллийг оролцуулж, холбогдох гомдлыг шийдвэрлэнэ” гэлээ.
Тус байнгын хорооны гишүүн Ж.Батзандан, УИХ нь хууль тогтоохоос гадна хянан шалгах үүрэгтэйг дурдаад “Сүүлийн 20 гаруй жил энэ чиг үүргээ хэрэгжүүлээгүй гэж хэлж болно. Тиймээс Өргөдлийн байнгын хорооноос УИХ-ын хянан магадлах, мөрдөн шалгах чиг үүргийг хүчтэй хэрэгжүүлж эхлэх зорилт тавьсан. Энэ хүрээнд Хянан магадлах хуралдааны танхимтай болж байна” хэмээн хэллээ. Нөгөөтэйгүүр, төрийн дунд болон өндөр дээд албан тушаалтнуудын хариуцлагын тогтолцоог дээшлүүлэх, хуулийн хэрэгжилтэд хяналт тавих зорилготой юм байна.