#CS2 $40,000 (140.9 сая төгрөг) шагналын сантай, нийт 16 баг оролцсон тэмцээнд Монголын таван баг тоглож эхэлснээс гурав нь шигшээ шатанд тоглохоор шалгарлаа.

CS2-ын хамгийн нэр хүндтэй лигийн тэмцээн болох "ESL Pro League"-ын 22 дахь улиралд оролцох эрх олгох Азийн бүсийн 49 дэх удаагийн "ESL Challenger League" тэмцээний хэсгийн шатны тоглолтууд өндөрлөв.

$40,000 (140.9 сая төгрөг) шагналын сантай, нийт 16 баг оролцсон тэмцээнд Монголын таван баг тоглож эхэлснээс гурав нь шигшээ шатанд тоглохоор шалгарлаа.

Тодруулбал, "The Huns Esports" баг лигийн хүснэгтэд 60 оноотой 3-р байр, "Chinggis Warriors" 48 оноотой 5-р байр, "Nomads" 42 оноотой 6-р байрыг тус тус эзэлсэн юм.

• The MongolZ шигшээ шатны эрхийн төлөө өнөөдөр Falcons-той тоглоно
• The MongolZ хоёр тэмцээн дараалан Team Liquid-ийг хожлоо
• The MongolZ "PGL Bucharest 2025" тэмцээний эхний тоглолтоо 3DMAX-тай хийн

Уг тэмцээнд түрүүлэх өндөр магадлалтай байсан Монголын "ATOX Esports" ESIC-ын шалгалтын улмаас тэмцээнээс хасагдсан бол "The QUBE Esports" баг 18 оноотой 13-р байр эзэлж хэсгийн шатнаас тэмцээнээ өндөрлүүлэв.

Лигийг Хятадын "TYLOO" 69 оноо, "Lynn Vision Gaming" 66 оноотой тэргүүлж шигшээ шатны дээд хүснэгийн хагас шигшээ шатнаас тоглохоор болсон.

Харин дээд хүснэгтийн шөвгийн наймд Huns болон Nomads багууд хоорондоо тоглож, Chinggis Warriors Хятадын "Rare Atom"-тай тоглохоор учраа таарчээ. Тоглолтуудын хуваарь одоогоор тодорхойгүй байна.