Нийслэлийн эрүүл мэндийн үндэсний төвийн захирал Д.Нарантуяагийн мэдээллийг хүргэж байна. Тэрээр, Хөл хориог хатуу байлгахыг эрдэмтдийн зүгээс зөвлөсөн. Цар тахлыг дотоодод ямар хурдтай тархах эрсдэлтэйг тухайн тохиолдолд нь практик дээр тандах ёстой байсан. Одоо бид тандалтын зураглалтай болсон учраас хөл хориог уян хатан байдлаар сулруулж болно гэсэн зөвлөгөөг өгч байна. Энэ нь хөл хориог цуцалж байгаа гэсэн үг биш. Тодорхой цаг, хуваариар менежмент хийж зохицуулах зөвлөгөөг эрдэмтдийн зүгээс өгч байна.

Коронавирус хүндэрсэн үедээ амьсгалын замын хүндрэлийг үүсгэж, биеийн олон системийг гэмтээдэг. Монголын эрдэмтэд цар тахалтай холбоотой олон судалгааг хийсээр ирсэн. 2019 онд халдварт бус өвчний эрдлийн судалгааг хийсэн. Ингэхэд Монгол Улсын хүн амын насанд хүрсэн хүмүүсийн 4 хувь нь халдварт бус өвчнөөр өвдөх эрсдэлгүй гэх үр дүн гарсан. Тэгэхээр манай хүн амын дийлэнх нь архаг суурь өвчнөөр өвдөх магадлалтай байгаа учраас хөл хориог хатуу тогтоосон нь зөв гэж үзэж байна.

Хэрвээ нийслэл хотод хатуу хөл хорио тогтоогоогүй бол долоо хоногт 555-2000 орчим хүнд халдвар тархах эрсдэлтэй байсан гэж таамаг гарсан.

Өнөөдөр хөл хорио тогтоож 11 хоногт 110 мянган хүнд лабораторийн шинжилгээ хийж, түргэвчилсэн шинжилгээг 18 цэгт 25644 хүнд тандалтын зорилгоор хийсэн.

Батлагдсан 146 тохиолдлын ойрын хавьтлын 700 хүнийг шинжилгээнд бүрэн хамруулж, дам хавьтлын 7000 хүнийг тодорхойлж ажилласан. Эмчилгээнд дунджаар 28 хоногийг зарцуулж байна.

БИЧЛЭГ: