Монголын татварын албанаас жил бүр Монгол Улсын Үндсэн хуульд заасан татвар төлөх үүргээ нэр төртэй биелүүлж, улс орон нутгийн хөгжил, дэвшилд үнэтэй хувь нэмэр оруулсан шилдэг татвар төлөгч иргэн, аж ахуйн нэгжүүдийг шалгаруулж, татварын хууль тогтоомжийг сурталчлан таниулах арга хэмжээ зохиодог. Энэ жилийн арга хэмжээ нь “Та баялаг бүтээгч” нэрийн дор зохион байгуулагдаж байна.

Юнител ХХК 2021 оны том ангиллын шилдэг татвар төлөгчдийн нэг болж Монгол улсынхаа төсөвт 68.3 тэрбум, аймаг сум, дүүргийн төсөвт 2 тэрбум, нийт 70.3 тэрбум төгрөгийн татвар, төлбөр хураамж төлж 2148 ажилчдыг ажлын байраар ханган огт сүлжээгүй байсан алслагдсан 59  сум, баг суурин газар шинээр 4G сүлжээгээ оруулан,  500 гаруй бааз станцад өргөтгөл,  бүтээн байгуулалтын ажил хийжээ.

Дэлхий нийтээр цар тахалд өртсөн эдийн засгийн хүндхэн үед Монголынхоо 1729 аж ахуй нэгж буюу бэлтгэн нийлүүлэгчдээс 117 орчим тэрбум төгрөгийн худалдан авалтыг хийж хамтран ажилласан байна.

Шилдэг татвар төлөгчийг шалгаруулахдаа улсын төсөвт төвлөрүүлсэн орлогоос гадна  нийгмийн хариуцлагын үйл ажиллагаа, хуулийн хугацаанд тайлангаа илгээж татвараа төлдөг байх, татварын хуулиа хамгийн сайн хэрэгжүүлсэн зэргийг харгалзан үзэж шалгаруулдаг билээ.  

Харилцаа холбооны найдвартай тасралтгүй байдлыг хангаж, амжилт бүрийг хамтдаа цогцлоон бүтээхэд үнэтэй хувь нэмэр оруулдаг эрхэм хэрэглэгч, түнш хамтран ажиллагсад, ажилчид та бүхэндээ баярлалаа.  

Хамтдаа түрүүлж алхана ЮНИТЕЛ