Хүүхдүүдийн амралтыг зөв боловсон өнгөрүүлэх, говь нутгийн онцлог, ёс заншил, соёлыг сурталчлан таниулах зорилгоор 100 хүүхэд хүлээн авах хүчин чадал бүхий “Жаргалан зуслан” өнөөдөр /2022.07.27/ албан ёсоор ашиглалтад орлоо.

Улс орон нутгийн 2.3 тэрбум төгрөгийн хөрөнгө оруулалтаар “Энержипарагон” ХХК, “Дэлгэр баясах зам” ХХК-иуд хамтран гүйцэтгэсэн бөгөөд орон нутгийн барилгын компаниудын дэмжлэгээр гадна орчинд усан бассейн болон усан оргилуурыг байгуулсан юм.

Тус зуслан нь 32 амрах байр,  хоолны танхим, анхны тусламжийн, ариун цэврийн болон нийтийн халуун ус зэрэг 33 байгууламж болон гадна урлаг соёлын тайз, тоглоомын талбай зэргээс бүрджээ.

Дашрамд дурдахад “Жаргалан” зуслан маань наймдугаар сарын 01-ний өдрөөс эхний ээлжийн амрагч хүүхдүүдээ авахаар бэлтгэл ажлаа хангажээ.

Зусланд 09-18 насны хүүхдүүд 140 мянган төгрөгөөр амрах бөгөөд аймгийн Хүүхдийн ордонд бүртгэлийг хийнэ.