- "Катар 2022" ДАШТ-д оролцох шигшээ багуудын бүрэлдэхүүнийг цувралаар танилцуулъя -

Мароккогийн шигшээ баг "Катар 2022" хөл бөмбөгийн ДАШТ-д оролцох шилдэг 26 тоглогчоо зарлалаа. Ердөө хоёр сарын өмнө ажлаа авсан дасгалжуулагч Валид Реграги 2019 оноос хойш шигшээ багтаа тоглоогүй Абдерразак Хамдаллахыг дуудсан байна.

Түүний бүрэлдэхүүнээс онцлох тоглогч нь довтлогч Хаким Зиеш, хамгаалагч Ашраф Хакими, хаалгач Яссин Буну нар аж.

Багийн хамгийн ахмад тоглогч нь 33 настай хаалгач Мунир Эл Кажүи бол хамгийн залуу нь 18 настай хагас хамгаалагч Билел Эл Ханус юм. Багийн дундаж нас 26.3 байна.

Энэ 26 тоглогч ДАШТ-ий F хэсэгт Хорват, Бельги, Канадын шигшээ багтай тоглоно.