Амралт зугаалгын улирал эхэлж, тарвага агнахыг хориглосон боловч иргэд тарваганы мах худалдах, худалдан авах үзэгдэл тасрахгүй байна. Харин тарваган тахал өвчний идэвхижлийн үе энэ сарын 15-наас ирэх сарын 15-ны өдрүүдэд үргэлжилдэг билээ.

Тиймээс тарваган тахлаас сэргийлэх вакциныг өчигдрөөс орон даяар хийж эхэлсэн байна. Вакциныг долдугаар сарын 1-нд бүх аймаг, сум, дүүргийн нэгдсэн эмнэлэгт хүргүүлсэн юм. "Онцгой байдал, хяналт шалгалтын ажилтан, мал эмнэлэг, цагдаагийнхнаас гадна малчид, анчид, мах, арьс ширний ченжүүд тарваган тахлын халдварт өртөх эрсдэл өндөртэй. Тиймээс харьяа аймаг, дүүргийнхээ Эрүүл мэндийн нэгдэл, нэгдсэн эмнэлэгт хандахыг нийслэлийн Онцгой байдлын газраас мэдээлж байна. Вакциныг үнэ төлбөргүй хийнэ.