Сүүлийн өдрүүдэд Баян-Өлгий аймагт коронавирусийн халдварын тохиолдол маш ихээр нэмэгдэж буй. Үүнтэй холбогдуулан энэ сарын 15-25-ны хооронд буюу 10 хоногийн хугацаанд хөл хорио тогтоож, Улаанбаатар хот болон бусад аймгаас зорчигч, аялагчид ирэх хөдөлгөөнийг зогсоох саналыг АОК-т танилцуулна гэдгийг аймгийн Засаг дарга Д.Бауыржан хэллээ.

Тэрбээр энэ талаар "Мэргэжлийн байгууллагаас гаргасан дүгнэлтээр аймгийн хэмжээнд коронавирусийн халдварын тархалт өндөр эрсдэлтэй гэж гарсан. Тиймээс аймгийн онцгой комисс өнөөдөр хуралдаж, хөл хорио тогтоох асуудлыг хэлэлцэнэ"гэлээ.