Пхеньян хотод БНАСАУ-ын удирдагч агсан Ким Ир Сений талбайд энэ сарын 3-нд 100 мянга гаруй хүний жагсаал болжээ. Тэд хөнгөн үйлдвэрийг ихээр хөгжүүлэн, ард түмний амьжиргааны түвшинг дээшлүүлэхээр чармайна хэмээх уриа лоозон барьсан байсан гэнэ.

Тус улсын Төв мэдээний агентлагийн мэдээлснээр БНАСАУ-ын Пхеньян хотын нарийн бичгийн дарга Мун Кюн Дук жагсаалын үеэр "Хөнгөн аж үйлдвэрийг түргэн хөгжүүлж, иргэдийн амьжиргааны түвшнийг дээшлүүлэхээр хүчин чармайлт гаргах ёстой гэсэн Хөдөлмөрийн намын дэвшүүлсэн уриалгыг Пхеньян хотын иргэд нааштай хүлээн авлаа.

Өнөөгийн барьж буй 100 мянган өрхийн орон сууцны барилгын ажлаа түргэтгэж, Пхеньян хотыг гоё үзэмжтэй болгоно" гэжээ. Намын төв хорооны нэгэн гишүүн "Хүчээ төвлөрүүлэн хөнгөн аж үйлдвэрийг хөгжүүлж, хэрэглээний бараа бүтээгдэхүүний үйлдвэрлэлд шинэ өрнөлтийг буй болгоё" гэв.

http://niigmiintoli.mn/