Дэлхийн хүн төрөлхтөнийг нэгэн дээвэр доор нэгтгэж, дэлхийн сая сая фанатуудыг соронзон мэт татаж чаддаг спорт бол ХӨЛБӨМБӨГ.

Энэхүү гайхалтай дэлхийн хаан спортын нэгээхэн хэсэг нь болсон Монголын Үндэсний Хүрхрээ дээд лиг эхлэхэд ердөө 11 хоногийн хугацаа үлджээ. Хөлбөмбөгийн хөгжлийг тодорхойлох маш олон хүчин зүйл байдгийн нэг нь үзэгч хөгжөөн дэмжигчид билээ.

Иймдээ ч Монголын Хөлбөмбөгийн Холбоо болон хөлбөмбөгийн спортыг дэмжигч “Хүрхрээ” брэнд хамтран Монгол дахь хөлбөмбөгийн фен клүбүүдтэй хамтран ажиллахаар болоод байгаа юм.

Энэхүү таатай мэдээг дуулгахаас гадна бас нэгэн тэмцээнийг та бүхэндээ сонордуулж байна. Монгол дахь хөлбөмбөгийн клубууд нэгдэн 2016оны дөрөвдүгээр сарын 30-нд фэн клубуудын дундах стандарт талбайн сонирхогчдын хөлбөмбөгийн анхдугаар тэмцээнийг зохион байгуулах гэж байна.

Ногоон талбайд Тоттенхэм, Байерн Мюнхен, Милан, Арсенал, Реал Мадрид, Барселона, Ливерпүүл, Манчестар Сити, Челси, Манчестер Юнайтед зэрэг 10 гаруй багын 200 гаруй тамирчид “Цом”-ын төлөө өрсөлдөж аваргаа тодруулна.

Хөл бөмбөгөөр амьсгалах өдрүүд айсуй. Та бүхэн идэвхтэй оролцож нэгэн өдрийг гайхалтай мэдрэмжээр дүүрэн өнгөрүүлээрэй.