АНУ-ын Холбооны агаарын тээврийн удирдлагын төв 624 хуудас бүхий, 170 мянга гаруй үгтэй дүрмийн ном гаргалаа. Гэхдээ албан ёсоор хэрэгжих хүртэл бага зэрэг хугацаа шаардлагатай.
 
Шинэ дүрэм ёсоор дрон нисгэж байгаа хүн 16-аас дээш настай, бага оврын нисгэгчгүй төхөөрөмж жолоодох эрхтэй, эсвэл эрх бүхий хүний хяналтан дор нисгэж болно.
 
Нисгэгчгүй төхөөрөмж жолоодох эрхийг авахын тулд Холбооны агаарын тээврийн удирдлагын төвийн зөвшөөрөл бүхий газруудад нислэгийн анхан шатны мэдлэгийн шалгалт өгөх ёстой.
 
Хэрвээ энэ анхлан суралцагч бол сүүлийн 24 сарын хугацаанд эрх бүхий шалгагчийн хяналтан дор нислэгийн шалгалт өгч тус төвийн зөвшөөрөл бүхий нисгэгчгүй төхөөрөмжийн цахим сургалтад сууна” гэжээ.
 
Энэхүү дүрмийн номонд дурдсанаар: 

• 25 кг хүртэлх жинтэй бүх төрлийн нисгэгчгүй нисэх төхөөрөмжид энэ дүрэм хамаарна.
• Төхөөрөмжийг нисгэгч өөрийн хараанаас эсвэл хянагчийн хараанаас гаргаж болохгүй.
• Нэгдүгээр биеэс харагдах байдлаар нисгэхийг зөвшөөрнө.
• Дээд хурд 160 км/цагаас хэтэрч болохгүй.
• Газраас дээш 120 метрээс өндөрт хөөргөж болохгүй.