Хан-Уул дүүргийн 1 дүгээр хороонд байрлах 20, 22 дугаар байрны зүүн талын явган хүний зам болон авто замын засвар, шинэчлэлтийн ажлыг улсын комисс байнгын ашиглалтад хүлээн авлаа.

Тус ажлын хүрээнд 0.28 км урт, нэг эгнээтэй авто зам байгуулсан бөгөөд зорчих хэсгийн өргөн 4 метр байна. Авто замын хоёр талд тус бүр 1.5 метр өргөн явган хүний зам хийж, гэрэлтүүлэг, ногоон байгууламж, ус зайлуулах байгууламжийг мөн шийджээ.

Ингэснээр тухайн орчмын авто болон явган зорчигчийн зорчих нөхцөл сайжирч, замын хөдөлгөөний аюулгүй байдлыг хангах нөхцөл бүрдсэн байна.

Эх сурвалж: Нийслэлийн Замын хөгжлийн газар