УИХ дахь Ардчилсан намын бүлгээс мэдээлэл хийлээ. 

АН-ын Бүлгийн дарга О.Цогтгэрэл "Маргааш эхлэх УИХ-ын ээлжит чуулганаар хэлэлцэгдэх Ерөнхий сайдын өргөн барьсан төсөв нь "цэвэр залилангийн төсөв" гэж хэлж болохоор байна. Учир нь хэрэгжих боломжгүй төсөв. 

2027 оны Ерөнхийлөгчийн сонгуулиас хойш Монгол Улс оршино уу, эс оршино уу, цалин тэтгэврээ тавьж чадна уу, чадахгүй байна уу гэдэг нь энэ Засгийн газарт хамаагүй юм байна. Монгол улсын ирээдүй тэдэнд хамаагүй юм байна. Цалин тэтгэвэр нэмсэн нэртэй нэг гараараа иргэдийн халаасаас авч, нөгөө талд үнийн өсөлт инфляцыг өдөөсөн төсөв өргөн барьж байгаа нь хууран мэхлэлт юм. Хоёрдугаарт хэрэв төсөв батлагдахгүй бол Ардчилсан нам руу бүх буруугаа чихэх юм байна. Хэрэв батлагдахгүй бол АН цалин, тэтгэвэр нэмүүлсэнгүй гэх залилангийн шинжтэй юм. 

Хууль зүйн сайд нь ял наймаалцаж буй нь баримттай олон нийтэд ил боллоо гэв

3,5 тэрбум төгрөгөөр өөрийн хувийн сургуульд авлига, ашиг сонирхол нэмсэн ийм л төсөв. Хаврын чуулганаар ЗГ-ыг огцруулах асуудлыг өргөн барьж байхад улсын төсөв 1,4 их наяд төгрөгөөр тасарсан байсан. Бидний огцруулах үндэслэл нь үнэн зөв болохыг олон зүйл одоо харуулж байна. 

Ардчилсан намын улс төрийн зөвлөл өнөөдөр хуралдаж тодорхой чиглэл гаргасан. Н.Учрал Ерөнхий сайдын ЗГ огцрох ёстой, ингэхдээ өөртөө итгэл үзүүлэх асуудлыг оруулж ирэх ёстой. Учир нь энэ төсвийг нь парламент дэмжиж байгаа юм уу, мэргэжилтнүүд эсэргүүцэж байна. Тиймээс итгэж үзүүлэх асуудлыг оруулж ирэх шаардлагатай. 

Хоёрдугаарт Засгийн газрын гишүүд нь ч итгэхгүй байна. Н.Учрал "3,5 тэрбум төгрөгийг манай сайд нар оруулаад ирчих шиг боллоо" гэсэн нь дотроо хэн хэндээ итгэхгүй байгаа нь харагдаж байна. Тиймээс итгэлийн асуудал энд яригдана. 

Мөн Хууль зүйн сайд нь ял наймаалцаж буй нь баримттай олон нийтэд ил боллоо. Монгол Улсад хууль зүйн сайд нь ял наймаалцдаг нь баримтаар нотлогдсон байхад үүнд улс төрийн хариуцлага хүлээх асуудал биш. Цаашдаа эрүүгийн үйл явц руу шилжих ёстой ноцтой асуудал юм. 

Гадаад хэргийн сайд нь өөрийн компанид гадаад паспорт хэвлэдэг болтлоо энэ ЗГ, эрх баригчид дураараа болжээ. Зам тээврийн сайд нь хувийн төмөр зам тавьж, гаднын хөрөнгө оруулагчдыг залилсан гэдэг асуудал үүссэн гэлээ. 

Дэлгэрэнгүйг дараах видеоноос хүлээн авна уу.