УИХ дахь Ардчилсан намын бүлгээс өнөөдөр (2026.08.13) төсвийн тодотголтой холбоотой асуудлаар мэдээлэл хийлээ.

УИХ-ын гишүүн Ж.Баярмаа “Инфляцын түвшинг өмнөх гурван сарынхтай харьцуулъя. Инфляц гуравдугаар сард долоон хувь байсан бол гуравхан сарын ард буюу долоодугаар сард 13 хувь болж өссөн. Бид уг нь жилийн эцэст долоон хувийн инфляцтай сууж байх ёстой. Энэ юуг хэлж байна вэ гэхээр үнийн өсөлтийн дарамт иргэдэд очиж байна гэсэн үг.

Монгол Улсын эдийн засаг бүхэлдээ дампуурсан байна. Үүний горийг хамгийн эмзэг бүлэг доод болон дундаж орлоготой иргэд амсаж байгаа. Мөнгөний нийлүүлэлт асар ихээр нэмэгдсэн. Тухайлбал, хагас жилийн хугацаанд 30 хувиар буюу 50 гаруй их наядаар өссөн. Энэ нь мөнгөний ханш үгүй болж, үнэ өсөж байна гэсэн үг.

Монгол Улсын эдийн засаг бүхэлдээ дампуурсан байна.

Тэгэхээр махны үнэ, шатахууны хомстол руу чихээд байх явдал энэ биш. Энэ бол Монгол Улсын эдийн засгийн бодлого бүхэлдээ буруу байсны илрэл. Бид сүүлийн таван жилд 125 их наяд төгрөг үржээ.

МАН гурав дахь Засгийн газраа солиод ажиллаж байгаа ч бодлого нь зөв болохгүй байна. Ард иргэд аль эрт өөр өөрийн төсвөө тодотгочихсон. Татвараа хураалгачхаад үлдсэн мөнгөө юунд, яаж зарцуулах вэ гэдэгт өдрийн бодол, шөнийн зүүд болж байна. Таван талх авдаг байснаа багасгаад гурав болгохоор тооцоогоо хийчихсэн сууж байгаа.

Гэтэл Монгол Улсад хаана, хэрхэн төсвийн тодотгол хийх төсөөлөл алга байна. Найр наадмаа дуусгаад төсвийн тодотголоо яаралтай оруулж ирж, төр нь бас бүсээ чангалмаар байна" гэв.