Монгол Улс 2015-2025 оны хугацаанд нийт 718,190 суудлын автомашин, 215,065 ачааны автомашин, 14,779 нийтийн тээврийн моторт хэрэгсэл импортолсныг Үндэсний Статистикийн Хороо (ҮСХ)-ноос мэдээллээ.

Харин 2026 оны эхний хагас жилийн байдлаар 43,131 суудлын автомашин, 10,389 ачааны автомашин, 615 нийтийн тээврийн моторт хэрэгсэл тус тус импортолсон байна.

Ингэснээр сүүлийн 10 жилийн хугацаанд импортын автомашины дийлэнх хувийг суудлын автомашин эзэлж байгаа бөгөөд энэ оны эхний зургаан сард ч мөн ижил хандлага үргэлжилжээ. ҮСХ-ны мэдээллээр суудлын автомашины импорт ачааны болон нийтийн тээврийн хэрэгслийнхээс үлэмж өндөр хэвээр байна.