Тулгар төрийн 2235, Их Монгол Улс байгуулагдсаны 820, үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жилийн ойн Үндэсний их баяр наадмын хүчит бөхийн барилдаанд ес даван УЛСЫН АРСЛАН цол хүртсэн хүчтэн Б.Бат-Өлзий баяр наадмын сэтгэгдлээ хуваалцлаа. 

Тэрбээр, “Олон жил уйгагүй хөдөлмөрлөсний эцэст хөдөлмөрөө үнэлүүллээ. Юуны өмнө ээж, аавдаа баярлалаа. Наймын даваанд шийдвэрлэх барилдаан хийж байхад цэнгэлдэх даяараа намайг дэмжлээ. Монголын ард түмэндээ бүгдэд нь баярлалаа. Өдийг хүртэл дэмжсэн ОБЕГ-ын “Аврагч” спорт хороо, "Мон Тек" констракшны хамт олонд баярлалаа” гэсэн юм. 

Ховд аймгийн Зэрэг сумын харьяат, Ховд дэвжээ, Аврагч спорт хорооны бөх, Улсын Арслан Б.Бат-Өлзий,

1. Нэгийн даваанд залуу бөх Ш.Ган-Эрдэнийг
2. Хоёрын даваанд сумын заан П.Жамсранг
3. Гурвын даваанд аймгийн начин П.Бадралыг
4. Дөрвийн даваанд аймгийн арслан Б.Дэнзэнсамбууг
5. Тавын даваанд аймгийн хурц арслан Ц.Мөнхбаярыг
6. Зургаагийн даваанд цэргийн арслан Г.Жамбалдоржийг
7. Долоогийн даваанд аймгийн арслан Ө.Батсуурийг
8. Наймын даваанд Улсын арслан Э.Батмагнайг
9. Есийн даваанд Дархан аварга Н.Батсуурийг давж УЛСЫН АРСЛАН цол хүртсэн.

Тэрбээр, 

• 2008 онд сумын заан
• 2013 онд цэргийн начин
• 2013 онд аймгийн харцага
• 2014 онд аймгийн заан
• 2016 онд Улсын харцага
• 2022 онд Улсын заан
• 2026 онд Улсын Арслан боллоо.