Тулгар төрийн 2235 жил, Их Монгол Улсын 820 жил, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жил, Ардчилсан хувьсгалын 36 жилийн ойн баяр наадмын үндэсний бөхийн барилдааны гурвын даваа үргэлжилж байна.

Энэ даваанд Архангай аймгийн заан Э.Түмэндэмбэрэл, Дорнод аймгийн заан О.Төгсжаргал нарыг хэн ч амлалгүй тунаж барилдаад Э.Түмэндэмбэрэл давлаа. 

Маргааш үргэлжлэх дөрвийн даваанд:

Дархан аварга- 1

Улсын аварга- 2

Улсын арслан- 6

Улсын гарди- 1

Улсын заан- 8

Улсын харцага- 14

Улсын начин- 16 зэрэг улсын цолтой 48 бөх зодоглоно.

Гурвын даваанд 256 бөх зодоглосноос Дархан аварга Г.Өсөхбаяр, Улсын аварга Г.Эрхэмбаяр, Улсын арслан Х.Мөнхбаатар нар өвдөг шороодлоо.