Үндэсний их баяр наадмыг зохион байгуулах хорооны хуралдаанаар Үндэсний их баяр наадмын найруулагчийн багийг өнгөрсөн хоёрдугаар сард эцэслэн томилсон. 

Сонгон шалгаруулалтад хамгийн өндөр оноог "Бүжиг дэглээч Баярбаатар холбоо” НҮТББ-ын найруулагч Д.Баярбаатар авчээ. Тэрээр багийн бүрэлдэхүүн, ерөнхий төлөвлөгөөг танилцуулж, Үндэсний их баяр наадмыг зохион байгуулах хорооны гишүүдийн нууц санал хураалтаар шалгарсан юм.

Хуралдаанд салбар хороодын 19 гишүүн оролцон, нийт төлөөлөгчдийн 84 хувийн саналаар  Д.Баярбаатар Үндэсний их баяр наадмын ерөнхий найруулагчаар сонгогдсон байна.