2026 оны долоодугаар сарын 8-ны өдрийн байдлаар Сэлбэ , Богд / Завхан аймгийн төв/, Сөгнөгөр /Төв аймгийн Батсүмбэр сум/ зэрэг голуудын усны түвшин өмнөх өдрөөс 10-20 см нэмэгдсэн байна.

Маргааш буюу 9-ний өдөр Сэлбэ, Туул гол болон Сэлэнгэ мөрний дунд болон адаг хэсгээр усны түвшин нэмэгдэх төлөвтэй байна. 

Иймд дээрх голууд болон гол мөрний сав дагуу аялаж, амарч, зугаалж яваа ард иргэд үерийн аюулаас сонор сэрэмжтэй байж, голын эрэг хөвөө дагуу бууж суурьшихгүй байх, бага насны хүүхдэд тавих анхаарал халамжаа сайжруулах, голд зориулалтын болон зориулалтын бус хөвөгч ашиглан орохгүй байхыг анхаарууллаа.