УИХ-ын чуулганы хуралдаанаар Орон сууцжуулалтын тухай хуулийн төсөл болон хамт өргөн мэдүүлсэн хуулийн төслүүдийг хэлэлцэх эсэхийг хэлэлцэж байна.

УИХ-ын гишүүн С.Эрдэнэбат:

-Энэ хуулийг дэмжиж байна. Өнгөрсөн хугацаанд хийж чадахгүй, учраа олохгүй байсан маш нарийн заалтуудыг тусгасан. Залуучуудын хувьд орон сууц мөрөөдөл байх ёсгүй. Насаараа ажиллачхаад ганц өрөө байр ч үгүй тэтгэвэрт гарч байгаа олон хүн бий. Тэтгэвэрт 50-55 настай настай гарчхаар ахмад гэж үзээд орон сууцны зээл өгдөггүй.

Тийм учраас энэ хуульд нийгмийн зорилгот бүлгийн орлогод нийцсэн гэдэг чухал заалт оруулж иржээ. Тухайлбал, багш, эмч зэрэг орон сууцны зээлийн шаардлагад хүрдэггүй байсан хүмүүст боломж бий болсон.