Хөл бөмбөгийн Дэлхийн аварга шалгаруулах тэмцээний хасагдах шатны ээлжит тоглолт Англи болон Ардчилсан Конго улсуудын хооронд болов. 

Тус тоглолт 2:1 гэсэн тооны харьцаагаар Английн ялалтаар өндөрлөсөн. 

Атланта хотод болсон тоглолтын долоо дахь минутад Ардчилсан Конгогоос тооны харьцааг нээсэн нь англичуудад тийм ч таатай эхлэл байгаагүй.

Тэд 75 дахь минут хүртэл хожигдож явсан ч Харри Кейний дублийн ачаар тоглолтыг эргүүлж чадсан. Ингэснээр шөвгийн 16-д Англи болон Мексикийн шигшээ багууд тоглохоор болж байна. 

Английн шигшээ өмнө нь ДАШТ-д Африкийн багуудтай хийсэн есөн тоглолтдоо нэг ч удаа ялагдаж байгаагүй бөгөөд энэ удаад ч тэр амжилтаа хадгалж чадлаа.