Монгол, Оросын хамтарсан өсвөрийн геологичдын  олимпиад Алтайн Бүгд найрамдах улсад энэ сарын 29-нөөс ирэх сарын 5-ны өдрүүдэд болно. 

Монгол Улсаас эх орноо төлөөлөн оролцох 40 сурагч, багш шүүгч нарын баг өчигдөр ОХУ-ыг зорилоо.

Өнгөрсөн жил Улаанбаатар хотноо анх удаа зохион байгуулагдсан тус олимпиад ийнхүү уламжлал болж хоёр дахь жилдээ зохиогдож буй нь хоёр улсын геологийн салбарын хамтын ажиллагааг шинэ түвшинд гаргах алхам боллоо.