Хоног тоолон хүлээсэн Хуур хөгжмийн наадам яг одоо Монгол шилтгээнд албан ёсоор нээлтээ хийлээ. Өнөөдөр болон маргааш 2 өдрийн турш Гачуурт дахь Монгол шилтгээнд зохион байгуулагдаж буй тус наадамд гадаад, дотоодын нит 114 хамтлаг, уран бүтээлчид оролцох билээ.

Бидний хамгийн сайн мэдэх The Hu, Хурд, Харанга, Нисванис, Никитон, Моханик тэргүүтэй хамтлагууд нэгэн тайзнаа нэгдэх бол ОУ-аас Nine Treasures, Yenlik, Akha, Riot Kiz, Adios Audio зэрэг хамтлаг уран бүтээлчид оролцож байна. Монгол шилтгээний талбайд үндсэн таван тайзыг байрлуулсан бөгөөд тайз бүр өөрийн гэсэн өнгө төрхтэй засагджээ.

Мөн маргааш буюу 6.27-ны өглөө 10:00 цагаас “1 өдрийн тасалбар” борлуулагдаж эхлэх тул та бүхэн Монгол шилтгээн дэх давтагдашгүй уур амьсгалаас бүү хоцроорой. Тасалбараа авч амжаагүй яг одоо хөнгөлөлттэй үнээр boxoffice.mn вебсайтаар орж худалдан авах боломжтой.